• Erroibar Nafarroako pirinioko bailara bat da, 144,28 km karratuen zehar zabaltzen dena. Honako herri hauek ditu mugakide: Nafarroa Beherea eta Baztan iparraldean; Auritz eta Artzibar ekialdean; Lizoain hegoaldean; Esteribar eta berriz Baztan mendebaldean.

• Bailararen erdigune geografikoa Lintzoain da, Iruñetik 32 kmra. Han kokatzen da Udaletxea.
Erroibar 11 herrik osatzen dute, orotara 797 biztanle biltzen dituztelarik. Hauetaz gain jendea bizi da ere beste leku hauetan: Sorogain, Olaberri, Urniza eta Larraingoan. Beste herri hauetan, aldiz, ez da inor bizi egun: Orosa, Oiaide eta Gurbitzar.

• Erro gainak klima aldaketa bereizten du: atlantikoa mendebaldean eta mediterraneoa ekialdean.

• Antzinako bizimodua, nekazaritza eta abelzaintzan oinarritua aldatu egin da gaur egun. Zerbitzu alorrean gorakada nabarmena gertatu da, batez ere turismoari dagokionez, eta bestalde, industria gune bat sortzen ari da Urrobin (Aurizberri). Bigarren industrialde bat ere egin nahi da, kasu honetan Orondritzen.